“Sant Marce” edo San Markos Zamartzen.
Pasa den apirilaren 25ean, San Markos ebanjelistaren festan, prozesio edo segizioa egin zen Uharte Arakilen parrokiatik (Sakana bailaran) Zamartzera bertan San Markosen festa Eukaristian ospatzera. Zamartze izena Sant Marce izenaren eboluziotik dator (euskal fonetika erantsiz latinetik datorren onomastiko horri).
Mezaren ostean zelaien eta baratzen benedikazioa egin zen Mikel Garziandiak zuzendurik Zamartzeko lorategitik lau haizeetara. Aspalditik datorren ohitura bat da hau, tradizio judutarrean jada existitzen zen. Gaur egun zelaien benedikazioa Frantzisko aita santuak gonbidatu gaituen ebanjelizazioarekin lotzen ahal da, alaitasunez ebanjeliza dezagun eta fruituak Espiritu Santuak berak ekar ditzan.
